قصة وحكاية ( ضع لها عنوان)

**Admin**

[size=18]b]بسم الله الرحمن الرحيم

مرة واحدة البطن كبرت والعنين أصفرت والجسم سخن وأرتعش !!!

أجرو يا ناس على الأطباء والأطباء تطلب تحاليل وأشاعات والحالة زى ماهى !

روحوا لطبيب تانى شاطر. يقوم يطلب منك تحاليل واشاعات تانية عند معمل فلان لأنه مبيعترفش بمعمل علان

كل ده والحالة بتسوء يوم ورى يوم ( وأعرفو أن الثانية مهمة مش الساعة ولا اليوم)

الله ، إلحقوا!ا الحالة جالها قىء دموى ( يرد الى حواليك. أحسن مايتخزن فى البطن)

الله ، إلحقوا!ا الحالة البراز بقة فيه دم ( هنا بقى ننصحك بالحقن أو الربط)

كده المريض محتاج دم (بلازما) أه ! آه ! إجرى على المتبرعين وبنوك الدم ( للحق الشعب المصرى أصيل فى المواقف دى)

تقدرو ياجماعة الخير تحسبو التكلفة كام أفكرك

عربية+كشف+روشتة+تحاليــــــــل+أشاعات+دم غير مهتسيب الى وراك والى قدامك شغلك وبيتك ومصالحك

يجتمع الأطباء على إن الحالة متأخرة جدا لابد من الزرع

نبدء نجرى ورى ثراب أسمه الزرع

لازم يكون متبرع ( مش هيبيع ) ويكون من الأقارب حتى الدرجة الثانية

يبدء التسارع بين الزوجة والأولاد والأخوات الكل يقول أنا إلى أتبرع

صاحب الحالة (المريض) يرفض خوفا على أعز الناس له

وبالتصميم يتم الأختيار وتبدء رحلة تطابق الفصيلة والأنسجة ودى لوحدها علقة سخنة جدا

ولما تتم يقلك المتبرع لازم يقعد مع لجنة حقوق الأنسان ؟ طيب ليه علشان يفهموه إن كده غلط وحرام

وفى النهاية ما يتمش التبرع

إلحقووووو ياجماعة خبر جديد ( خير يارب خير يارب )

الصين بتزرع كبد كامل مش فص واحد

وتبدء رحلة النصب ! لغاية منراسل الصين ! بتكلف كام العملية 60000 ألف دولار

أحجز بسرعة علشان الحالة متأخرة أوى – جرى بسرعة التذكرة بـ 4000 جنيه للفرد والتأشيرة

طيرى ياطيارة على مطار بكين وصلنا بعد 17 ساعة طيران 13 مرة واحدة واستراحة نصف ساعة فى بانكوك وبعدين 4 ساعات

( أسجل شكرى وتقديرى للعاملين بمطار القاهرة والى طاقم مصر للطيران لمساعدتهم لنا ولنا أن نفخر بهم )

وصلنا الحمد لله بكين العاصمة الصينية ولقينا المنسق منتظرنا بسيارته وركبنا ساعتين ونصف الى مدينة تانجين

وصلنا الفندق وأحنا بنزل الشنط جه القىء الدموى بس مش زى الى شفناه فى مصر ( علشان الضغط الجوى بتاع الطيارة ) !!

وبسرعة وفى نفس السيارة جرىِ على المستشفى وسبنا شنطنا على الأرض من لبختنا

قابلونا فى المستشفى وكأننا من كبار القوم فى مصر لما يدخلو زيارة المستشفى ( إحترام ونظام وسرعة وخوف على المريض)

شوفو هكررها ( إحترام ونظام وسرعة وخوف على المريض) ومفيش إجرائات إداريه لا إسمه ولا عنوانه ولا ضامن ولا إدفع تحت الحساب ولا الحالة ايه ومن امتا ونحكى قصة أبو زيد وسيبين الحالة ونشاكل على المرافق والذى منه

فجئة أصنصيل الطوارء بيتفتح نلاقى فيه طبيب هوه الى قال على الدور السادس ( طبعا منعرفش يعنى ايه الدور السادس)

هو ICU يعنى العناية المركزة بدأو بتعقيم المريض قبل الدخول فى غرفة مخصصة لذلك بالبخار والشفط .

أصريت إنى أدخل مهو أنى عربى برضه . بكل سعة صدر وافقوا بشرط إنى أكون جامد وأستحمل إلى هشوفوا وطبعا موافقون

تم تعقيمى أيضا بنفس الغرفة وبدلت ملابسى ولبست طاقية وجونت وشراب كل دة يشبه البلاستك الخفيف أوى وكمامة علىالأنف والفم وكمان طبيب كشف عليا بجهاز الضغط ! ( الله على الناس دى وحبهم وأتقانهم لعملهم)

بصيت شوفت صاحبى متركب له خراطيم كثيركلها فى الأخر داخلة كالونا وحدة فى الوريد وأجهزة فى إديه ورجليه

أستغرق كل ده 15 دقيقة ولقيت الأطباء جابت الكراسى وقعدت والممرضات بتمسح وتغسل فى الدم

فسألت قعتوا ليه قالو العلاج الى خدو هيستمر 10 ساعات ويقف النزيف وأثناء العشر ساعات هيفوق ويفتح عنيه بعد 3 ساعات

وفعلا على الساعة حصل الى قالوا عاليه . الحمد لله رب العالمين. والفريق ده سلم الفريق الثانى الصبح

وقالوا لى هنعمل اشاعات وتحاليل قلتلهم معايا أهه !؟:؟! وقعدت أفكر فى الشيل والحط وهوه فى الحالة دى – وقلت يارب

الساعة 9 قالوا إكتب إقرار بعمل الأشاعات والتحاليل ووقعت على الأقرار الساعة 9.10 لأيت عربية داخلة علينا

فتحت درعتها لأتها أشعة متنقلة ماشية على عجل وطلعت دى ودخلت غرها وبعدين خدو عينة الدم ( كل ده فى الغرفة )

الساعة 12.35 طلعت النتيجة ‘إن فى تليف ودمور وتضخم فى الوريد البابى ( طبعا كل ده إحنا عارفينه

الجديد إن فى مرض سرطانى 1.5 سم فى 3 سم وأخر 3فى 3.5 طب وبعدين قالوا هنجهزو للعملية بعد 10 أيام

وحدثت مشاكل فى التنفس أخرتنا كمان 7 تيام ... يعنى بعد وصولنا بـ 17 يوم تمت العملية والحمد لله

ده شىء مفرح وفرحنا الى فى البلد علما إن الأشاعات يوميا تقول إنه مات ويتصلوا يقولوا إمته هتشحن متخبيش علينا

وهوه تمام ويكلم ولاده ومراته كمان

إلى هنا أترككم الأن

ونلتقى ثانية بإذن الله

0473607167
http://eslammohamedhasin.malware-site.www[/b]

[/font[/size]]

papafouda

بسم الله الرحمن الرحيم
بداية موفقة وولادة عملاقة لمنتدى بيلا الذى طال انتظارنا له
الف مبروك للقائمين على هذا المنتدى الجميل ونخص بالشكر الاستاذ اسلام ضبعون
لنا بعض الاقتراحات نرجو الموافقه عليها
اولا : تخفيف الالوان قليلا حيث ان اللون الاخضر جميل ولكنه مزعج للعينين .
ثانيا: عمل قسم اسمه اخبار بيلا .
ثالثا : عمل قسم للتعارف بين ابناء بيلا ويكون عنوانه اكتب اسمك وأيميلك .
رابعا : الاحظ عدم تفعيل قسم اكتب موضوع جديد ويبدو انه قاصر على المشرفين فقط .
وشكرا
أحمد مصطفى فودة
papafouda@yahoo.com

papafouda

انسحاب محافظ كفر الشيخ
من أول لقاء جماهيري.. في بيلا!!

بيلا السيد عنتر:

فاجأ اللواء مهندس أحمد زكي عابدين محافظ كفر الشيخ جماهير مدينة بيلا أمس بانسحابه من قاعة الاجتماعات بنادي بيلا الرياضي في أول لقاء جماهيري له مع أبناء مركز بيلا.
انسحاب المحافظ جاء اعتراضاً علي سوء التنظيم في تقديم الشكاوي غير المعدة سلفاً حيث تزاحم الحضور أمام المنصة فيما كان منه إلا أن قرر الانسحاب.
أصر الأهالي علي تسليم شكاواهم للمحافظ أثناء خروجه من القاعة بعد أن رفض الاستماع لهم.

**Admin**

إنه لمن دواعى سرورنا أن نتشرف بالأخ الفاضل الأستاذ / السيد عنتر ( رائد الكلمة الحرة ببيلا) فله منا خالص الشكر والتقدير ونتمنى أن نرى كتاباته ومواضيعه الشيقة والتى تهم أبناء بيلا فأهلا ومرحبا به فى منتداه

_________________
نداء الى أبناء بيلا الشرفاء كل فى ما يخصه هيا بنا نرتقى ببلدنا
الأصالة والأنتماء شعارنا
والله ولى التوفيق

**Admin**

papafouda كتب:

بسم الله الرحمن الرحيم
بداية موفقة وولادة عملاقة لمنتدى بيلا الذى طال انتظارنا له
الف مبروك للقائمين على هذا المنتدى الجميل ونخص بالشكر الاستاذ اسلام ضبعون
لنا بعض الاقتراحات نرجو الموافقه عليها
اولا : تخفيف الالوان قليلا حيث ان اللون الاخضر جميل ولكنه مزعج للعينين .
ثانيا: عمل قسم اسمه اخبار بيلا .
ثالثا : عمل قسم للتعارف بين ابناء بيلا ويكون عنوانه اكتب اسمك وأيميلك .
رابعا : الاحظ عدم تفعيل قسم اكتب موضوع جديد ويبدو انه قاصر على المشرفين فقط .
وشكرا
أحمد مصطفى فودة
papafouda@yahoo.com

خالص شكرى وتقديرى للأستاذ/ أحمد مصطفى فوده
وأنشاء الله التطوير مستمر

_________________
نداء الى أبناء بيلا الشرفاء كل فى ما يخصه هيا بنا نرتقى ببلدنا
الأصالة والأنتماء شعارنا
والله ولى التوفيق